హైదరాబాద్ చౌమహల్లా ప్యాలెస్ ప్రాంగణంలో మిస్ వరల్డ్ టూర్‌కు సంబంధించిన ఓపెనింగ్ సెరిమనీ అత్యంత వైభవంగా జరిగింది. తెలంగాణ ముఖ్యమంత్రి రేవంత్ రెడ్డి తన పదవీలో తొలిసారిగా ఓ అంతర్జాతీయ స్థాయి గ్లోబల్ ఈవెంట్‌ను ప్రారంభించి విశేష గుర్తింపు పొందారు.
ఈ ఈవెంట్ మే 13 నుండి మే 31, 2025 వరకు జరగనుంది. ప్రారంభ వేడుకలో సీఎం రేవంత్ రెడ్డి, నటుడు నాగార్జున, పలువురు మంత్రులు మరియు మిస్ వరల్డ్ పోటీలో పాల్గొన్న అభ్యర్థులు ఒకరితో ఒకరు భోజనంలో మమేకమయ్యారు. ఇది స్థానికంగా కాకుండా అంతర్జాతీయంగా కూడా ఎంతో ఆసక్తిని రేపింది.
హైదరాబాద్ ప్రజలు ఈ ఈవెంట్‌కు అమితమైన ఆదరణ చూపారు. టికెట్లు ఇప్పటికే పూర్తిగా అమ్ముడైపోవడం ఈ పోటీకి ఉన్న భారీ స్పందనను స్పష్టంగా తెలియజేస్తుంది.
ఇక భారత్ – పాకిస్తాన్ సంబంధాలలో ఉద్రిక్తతలు కొనసాగుతున్నప్పటికీ, ముఖ్యమంత్రి రేవంత్ రెడ్డి ఆదర్శ నాయకత్వంతో ఈ గ్లోబల్ ఈవెంట్‌ను విజయవంతంగా నిర్వహించడం గమనార్హం. ఇది తెలంగాణ ప్రభుత్వ శక్తి సామర్థ్యాన్ని ప్రపంచానికి చూపించే అవకాశంగా నిలిచింది.
మిస్ వరల్డ్ టూర్ ద్వారా హైదరాబాద్ ప్రపంచ మ్యాప్‌పై మరింత బలంగా నిలిచింది. ఈ వేడుక Telanganaను అంతర్జాతీయ కార్యక్రమాల గమ్యస్థలంగా నిలబెట్టడంలో కీలకంగా మారింది.
