ఇప్పటి సమాజంలో మహిళలు ఎంతగా పురోగతిచెందుతున్నా, వారి భద్రతపై ప్రశ్నలు మాత్రం పెరిగిపోతున్నాయి. ఆఫీసులు, విద్యాసంస్థలు, పబ్లిక్ ప్రదేశాలు ఎక్కడ చూసినా మహిళలపై వేధింపుల ఘటనలు వెలుగులోకి వస్తున్నాయి. కొందరు కామాందులు సమయం దొరికిందంటే చాలు, అమాయక మహిళలపై లైంగికంగా వేధింపులకు పాల్పడి వాళ్ల జీవితాలను నరకంగా మారుస్తున్నారు.
సార్వజనిక ప్రదేశంలో చెరిపి ముద్దు
తాజాగా ఇలాంటి ఘటన ఒకటి ఉత్తరప్రదేశ్‌లోని మీరట్ నగరంలో చోటుచేసుకుంది. లిసారీ గేట్ ప్రాంతంలో రోడ్డుపై నడుచుకుంటూ వెళ్తున్న ఓ యువతిని బైక్‌పై వచ్చిన వ్యక్తి అసభ్యంగా ముద్దుపెట్టి వేధించాడు. ఈ దృశ్యాలు సీసీటీవీ కెమెరాల్లో రికార్డవ్వడంతో సోషల్ మీడియాలో వైరల్ అయ్యాయి. బుర్ఖాలో ఉన్న యువతిని గమనించిన నిందితుడు, గల్లీ వెలితిగా ఉండటాన్ని అవకాశంగా మలచుకొని ఆమె దగ్గరకు వెళ్లి బలవంతంగా ముద్దుపెట్టి అక్కడి నుంచి పారిపోయాడు.
ఈ దుర్మార్గ చర్యతో బాధిత యువతి భయంతో అరిచింది. నెటిజన్లు ఈ వీడియోను చూసి తీవ్రంగా ఆగ్రహం వ్యక్తం చేస్తున్నారు. “బుర్ఖా వేసుకున్నా వదల్లేదు – ఎంత నీచంగా ఉంది” అంటూ స్పందిస్తున్నారు.
నిందితుడిపై కేసు నమోదు, అరెస్ట్
సీసీటీవీ ఆధారంగా నిందితుడిని 25 ఏళ్ల మొహమ్మద్ సుహైల్‌గా గుర్తించిన పోలీసులు, తక్షణమే అతడిని అరెస్ట్ చేశారు. విచారణలో సుహైల్ తన చేసిన తప్పుకు క్షమాపణ చెప్పినట్టు తెలుస్తోంది. అయినా అతనిపై ఎఫ్ఐఆర్ నమోదు చేసి, న్యాయప్రక్రియకు లోబడేలా జైలుకు తరలించినట్టు పోలీసులు తెలిపారు.
ఈ సంఘటన మరోసారి మహిళల రక్షణపై సమాజం ఎంతటి అప్రమత్తత చూపించాలో గుర్తుచేస్తోంది.
