మధ్యప్రదేశ్(Madhya Pradesh) కేడర్ కు చెందిన ఐఏఎస్ అధికారి సందీప్(Sandeep IAS), కలెక్టర్‌గా బాధ్యతలు చేపట్టినప్పటికీ, ప్రభుత్వ కార్లు, అలవెన్సులు ఉండగా అవి ఎంచుకోకుండా సైకిల్(Cycle) మీద మాత్రమే ఆఫీస్, ఇతర కార్యక్రమాలకు వెళ్ళడం అనే మార్గాన్ని ఎంచుకున్నారు. తన అభిప్రాయాన్ని ప్రకారం, ప్రభుత్వ నిధులు వృధా కాకుండా ఉండాలి అని చెప్పారు.
సందీప్, దూర ప్రాంతాలకు ప్రయాణించాల్సి వచ్చినప్పుడు కూడా బస్సులు లేదా సొంత కారులో ప్రయాణం చేస్తారు. సైకిల్ తొక్కడం వల్ల పొల్యూషన్ తగ్గించబడుతుందని, ఆరోగ్యంగా ఉండటానికి మంచి వ్యాయామం అవుతుందని, అలాగే ప్రయాణం చేస్తున్నప్పుడు చుట్టూ ఉన్న ప్రజల సమస్యలు తెలుసుకుని వాటిని అర్థం చేసుకోవచ్చని ఆయన చెబుతారు.
ప్రతి రోజు కలెక్టర్ కార్యాలయానికి రెండు గంటల ముందే బయలుదేరి, ప్రభుత్వ స్కూళ్లు, కాలేజీలు, హాస్పిటల్స్, ఇతర కార్యాలయాలు అన్నీ సందర్శిస్తుంటారు. కాలనీ వాసులతో కలసి వారి సమస్యలను తెలుసుకొని అక్కడికక్కడే పరిష్కారాలు చూపించే ప్రయత్నం చేస్తారు. ఆర్థికంగా ఇబ్బందులు పడే వారికి ప్రభుత్వ పథకాలు అందించే ప్రయత్నం చేస్తూ, ఆయన వ్యక్తిగతంగా 100 మందికి పింఛన్లు అందిస్తారట.
ఈ విధమైన సంస్కారం, త్యాగం, సేవా భావం మనకు సినిమాలలో మాత్రమే కనిపిస్తాయి, కానీ నిజజీవితంలో కూడా ఇలాంటి రియల్ హీరోలు ఉన్నారు. ఇలాంటి నిజమైన ఆఫీసర్ల పాత్రలు సినిమాలలో స్పష్టంగా చూపిస్తుంటారు.
